華雷根 對 布魯日

軍情

華雷根的丹麥後衛白賴仁夏馬拿倫因為大腿傷，將會是連續第2場缺陣，這位27歲守將是球隊正選，上輪缺陣雖然影響未算太大，但今戰要迎抗勁旅布魯日，防線或有危機。中場卡耶上戰又有助攻，今季已經累積交出6次助攻，暫時是比甲助攻王。至於塞內加爾老將前鋒利耶，剛戰射失12碼，已經連續5場未有入球，或陷入信心危機之中。

布魯日20歲新星左閘迪安古斯剛戰梅開二度，相當搶鏡，此子近期已穩佔球隊正選，前途無限。荷蘭中堅丹斯威爾獲愛華頓睇中，派出球探密切留意表現，或會在明夏離隊。巴西中場韋斯利摩拉斯連續第2場停賽，但有荷蘭中場魯特禾馬撐住，剛戰又交出2助攻，球隊進攻力未有減退。

華雷根
停賽：／
上陣成疑：／
受傷／缺陣：白賴仁夏馬拿倫（後衛）

布魯日
停賽：韋斯利摩拉斯（中場）
上陣成疑：荷西伊斯基亞度（前鋒）
受傷／缺陣：拉法洛夫（中場）、勞倫斯迪布克（後衛）、比莊安祖斯（後衛）、麥捷尼（後衛）

近況

華雷根今季表現出色，雖然本月首兩戰接連失分，但迅即又重返勝軌！球隊上下信心十足，近2戰均贏得輕鬆，今於主場出擊，至少可保不敗。布魯日從歐聯落敗後，反彈連贏2場，球員信心的確提升不少。布軍陣內冒起不少新星，但來到這場前列大戰，面對著現時聯賽「一哥」，球員經驗卻反而更為重要，再加上布魯日近6場作客波有5場落敗，今場可直取華雷根「主客和」主勝。

對賽

?華雷根近6次主場對布魯日，取得3勝2和1負。
?華雷根近5次主場對賽，開出4口「入球」細。