回归曼联魔粉High爆
曼联宣布C朗拿度正式回归，签约两年，预计9月11日将会时隔12年重披「红魔战衣」，于英超主场上阵对战纽卡素。有指曼联今次要向祖云达斯付出2,800万欧元转会费，而且要为C朗提供48万镑天价周薪，但一切都係湿湿碎，因为曼联股价随「C朗效应」一度急升，市值增加2.93亿美元（约23亿港元）。至于球王回归会否着番7号波衫？似乎都唔太重要，因为全球「魔粉」已经兴奋到爆，包括本地艺人陈家乐、何广沛同刘浩龙都喺社交平台表示「WelcomeHome」！
过去一星期，有关C朗转会「死敌」曼城或巴黎圣日耳门嘅传闻未停过，当曼联球迷怒烧C朗球衣洩愤之际，事情出现大逆转；上周五早上C朗收到费格逊嘅电话，结果欣然答应回巢，当日已返回祖云达斯训练场同队友道别，随即搭私人飞机离开意大利，并发出公开信感谢祖云达斯嘅支持，深爱都灵每一位，遗憾係未能领军夺取欧联锦标。
C朗生涯早期曾效力曼联6年，上阵292场射入118球，非常熟悉球会文化及英超风格，因此今次转会唔会有水土不服问题，特别係佢曾经同现任领队苏斯克查做过队友，彼此了解对方，预料可以迅速融入球队。但由于无法赶及今晚作客狼队一战上阵，加上将会进入国际赛档期，因此呢位36岁前锋预计会喺9月11日正式登场，令球迷相当期待。
回归初「衫」或着28号球衣
至于C朗会着几号波衫亦备受关注，皆因依家「魔7」球衣属于乌拉圭前锋卡云尼，意味C朗或无法着番呢件标誌性战衣，除非卡云尼离队，又或者佢同意让出呢个号码，并得到英超赛会批准，否则C朗今季係唔会着上7号球衣上阵。英国传媒指呢位葡萄牙球王可能倣效美斯回归初「衫」，改着喺母会士砵亭出道时嘅28号。
曼联签番C朗虽然付出不菲，但闪电间得到回报，喺美国上市嘅曼联股价急升9.8%，市值即时增加23亿港元，而且公布C朗加盟嘅两小时内，曼联Instagram追随者数目增加200万，达至4,430万，仲未计曼联之后出售C朗球衣及相关产品带来嘅庞大收入，所以呢笔交易实在抵到烂。本地艺人都一样兴奋，纷纷于社交平台出Post，其中刘浩龙话从冇怀疑C朗会去曼城，係「义气仔女」！
曼联今晚「细」擒狼队
至于曼联于今晚英超尾场作客狼队，虽然C朗未出得，但「红魔」上场作客修咸顿和波失分，今场力求反弹，从皇马加盟嘅中坚华拉尼今场有机会获得正选上阵，有助巩固防线。狼队联赛两连败但仅失两球，防守唔差，今仗一定用最耍家嘅防守应付曼联，既然近6次对碰5次总入球开2球或以下，今场入波相信亦唔会多，2.5球嘅入球细係最佳选择。
曼联宣布C朗拿度正式回归，签约两年，预计9月11日将会时隔12年重披「红魔战衣」，于英超主场上阵对战纽卡素。有指曼联今次要向祖云达斯付出2,800万欧元转会费，而且要为C朗提供48万镑天价周薪，但一切都係湿湿碎，因为曼联股价随「C朗效应」一度急升，市值增加2.93亿美元（约23亿港元）。至于球王回归会否着番7号波衫？似乎都唔太重要，因为全球「魔粉」已经兴奋到爆，包括本地艺人陈家乐、何广沛同刘浩龙都喺社交平台表示「WelcomeHome」！
过去一星期，有关C朗转会「死敌」曼城或巴黎圣日耳门嘅传闻未停过，当曼联球迷怒烧C朗球衣洩愤之际，事情出现大逆转；上周五早上C朗收到费格逊嘅电话，结果欣然答应回巢，当日已返回祖云达斯训练场同队友道别，随即搭私人飞机离开意大利，并发出公开信感谢祖云达斯嘅支持，深爱都灵每一位，遗憾係未能领军夺取欧联锦标。
C朗生涯早期曾效力曼联6年，上阵292场射入118球，非常熟悉球会文化及英超风格，因此今次转会唔会有水土不服问题，特别係佢曾经同现任领队苏斯克查做过队友，彼此了解对方，预料可以迅速融入球队。但由于无法赶及今晚作客狼队一战上阵，加上将会进入国际赛档期，因此呢位36岁前锋预计会喺9月11日正式登场，令球迷相当期待。
回归初「衫」或着28号球衣
至于C朗会着几号波衫亦备受关注，皆因依家「魔7」球衣属于乌拉圭前锋卡云尼，意味C朗或无法着番呢件标誌性战衣，除非卡云尼离队，又或者佢同意让出呢个号码，并得到英超赛会批准，否则C朗今季係唔会着上7号球衣上阵。英国传媒指呢位葡萄牙球王可能倣效美斯回归初「衫」，改着喺母会士砵亭出道时嘅28号。
曼联签番C朗虽然付出不菲，但闪电间得到回报，喺美国上市嘅曼联股价急升9.8%，市值即时增加23亿港元，而且公布C朗加盟嘅两小时内，曼联Instagram追随者数目增加200万，达至4,430万，仲未计曼联之后出售C朗球衣及相关产品带来嘅庞大收入，所以呢笔交易实在抵到烂。本地艺人都一样兴奋，纷纷于社交平台出Post，其中刘浩龙话从冇怀疑C朗会去曼城，係「义气仔女」！
曼联今晚「细」擒狼队
至于曼联于今晚英超尾场作客狼队，虽然C朗未出得，但「红魔」上场作客修咸顿和波失分，今场力求反弹，从皇马加盟嘅中坚华拉尼今场有机会获得正选上阵，有助巩固防线。狼队联赛两连败但仅失两球，防守唔差，今仗一定用最耍家嘅防守应付曼联，既然近6次对碰5次总入球开2球或以下，今场入波相信亦唔会多，2.5球嘅入球细係最佳选择。
发表评论