战神复出萨敌
今晚意甲头场AC米兰主场对萨斯索罗。AC今场有伊巴谦莫域复出，火力大增，呢位「战神」上季斗萨斯索罗梅开二度，今场勐虎出柙肯定想添食，加上AC近5次联赛斗萨斯索罗获4胜1和，主Ｗ好路。
伊巴谦莫域今季为AC喺联赛上阵17场入15球，战绩为11胜3和3负，有呢位射手助阵，球队进攻确係侵略性及战术调配都强咗。更重要嘅係，伊巴前仗斗帕尔马做「红牌阿姑」，被指涉嫌对球证作出侮辱性言论，但查实只係球证听错，被「屈」停赛谷住条气，今场复出肯定嚟个大爆发。伊巴喺2019年12月加盟AC，旧年7月作客对萨斯索罗一仗，佢上半场已经省两粒，助球队以2比1获胜，萨斯索罗后防摆明对佢冇晒计。事实上AC米兰多年嚟都食住萨军，近19次交手赢12次，净係计最近5次，都获4胜1和压倒性成绩。
萨斯索罗遇强即屈
萨斯索罗依家排第8，成绩算係唔错，但佢哋今季5次对住国米、AC、阿特兰大及祖云达斯等Big 4球队全部输晒，加上依家冇乜赢波动力，而且近4场作客输3场，今场作客都係凶多吉少。
发表评论