德岛漩涡回稳平手盘值捧

大坂飞脚换帅后冇起色
　　飞脚贵为上季联赛及日皇盃亚军，季初因疫情问题休战近1个月，点知复赛后表现走晒样。单计联赛，飞脚开咧12仗赢得1场，最恐怖係入得3粒咁大把，上季士哥不断嘅安达臣柏历同宇佐美贵史，夹埋只入两球，难怪排名愈跌愈低，搞到上季中途上任交足货嘅主帅宫本恒靖惨遭落镬，改由青训部嘅松波正信接手，可惜近两仗接连不敌浦和红钻及FC东京，继续食白果，攻力疲弱问题未解决，颓到冇朋友。

　　漩涡今季升班后表现唔算太差，16仗联赛取得5胜3和8负，加上喺日联盃出局，可以专心喺联赛抢分。漩涡继前仗联赛作客爆冷击败广岛三箭后，上仗联赛于主场打和2哥名古屋鲸鱼0比0，走出之前联赛4连败嘅谷底，重拾信心，今仗造访近6仗联赛5败嘅飞脚，可望趁机打落水狗，平手盘坐和望赢。