西班牙前锋迪亚高哥斯达去年12月同马德里体育会解约后，一直处于失业状态，时隔8个月后呢位32岁前锋终于有班落，签约巴甲劲旅明尼路到2022年12月。明尼路目前排巴甲榜首，南美自由杯亦打入8强，「迪哥」有望为球队争取锦标。
「迪哥」今次转战巴西并唔意外，事关佢喺巴西出世，代表西班牙国家队前曾经为巴西国家队踢过两场热身赛，佢加盟明尼路后，有望同侯克合组箭头。
至于明尼路喺自由杯愈战愈勇，周四朝早8强次回合返主场再斗河床，首回合明尼路作客赢1比0，今场唔输就可入4强。佢哋防守出色，连续5场自由杯冇失波，近6仗亦有5场开出半场和，不妨追多次。（周四早上8时30分开赛）
发表评论